كيفكم يا كتاكيت
يا حفرتلية يا وحوش
اليوم الطريقة جبتها عشان حواء تدعيلنا

هلا بتفوت يا حفرتلي على المطبخ ركض
وبتفكر أنك تعمل بيض مقلي
بتفتح التلاجة وبتمسك بيضة أتركها تسحل من أيدك وتنكسر جوا التلاجة
ما تخاف هيك أصول الشغل و حواء حتحبك أكتر
بعدين أرجع أمسلك كمان بيضة ولا أقلك بيضتين عشان ما تجوع بدري
بتروح زي الأسد بتجيب أكبر صحن بالبيت كلو
وطق البيضتين فيه... بس بحذرك
أوعى تحط قشر البيض بالزبالة خليه جنب الصحن وكب شوي على الأرض عشان تبين أنك مشتغل بقلب و رب

روح ركض جيب المقلاية وحط الزيت على المقلاية
دفاااشة....وما تنسى تكب الزيت على الغاز
لزوم التعب..لازم كل البيت يعرف أنك طبخت
أشعل الغاز
ولاحظ منظر الزيت على الغاز و هو بنحرق ياألهي
فن... وتمتع بالريحة الطالعة

بعدين أمسك المقلاية و حطو على الغاز و جيب البيض
وحطو فوق الزيت وما ترجع الزيت محلو خليه على الطاولة
عشان ما نتعب أكتر من التعب اللي عملناه

بعدين جيب معلقة و شمها وأكيد نحنا الشباب نضايفية ما رح تعجبنا ريحة المعلقة... زتها بعيد وجيب معلقة تانية
نظيفة
حرك البيض و حرك وما تنسى تحرق البيض عشان يستوي منيح مش هيك!!
وبعدين جيب صحن و أحط القلاية منيح عشان يطلع كل التيفال بالصحن

خلي القلاية المسخمة على الطاولة وانسا النار فاتحة
براااااااااااافو

هلا الخطوة الاخيرة أفتح كيس الخبز واتركو مفتوح
عشان ينشف

وهيك بتكون عملت قلاية بيض وخليت كل البيت يعرف تعبك يا عسل يا آدم انت